除新版富士LegacyB4四門房跑車外，廠方亦同時推出新款LegacyTouringWagon旅行車；新車除同樣擁有全新造型外，闊落車廂設備及狠勁性能表現，亦教不少車迷對其留有深刻印象呢！
新一代富士LegacyTouringWagon，造型設計絕能予人耳目一新之感，不但車身線條變得流線型外，全新頭燈及泵把組合，亦令車子望落倍添一份吸引力；除此之外，經過重新設計嘅車廂配搭，不僅空間寬敞闊落乘坐舒適外，中控台上更備有各項設備，兼且鋪排得簡潔有序，使用時甚為方便；而新設計嘅三幅式跑車軚環，亦能夠畀到你有十足嘅把持感㗎！
新車以一台編號EJ20嘅水平對向四汽缸引擎作配搭，但馬力輸出數值則隨着不同版本而有所分別，當中除2.0iCasualEdition入門版嘅140匹輸出外，當然唔少得重有頂級2.0GTspec.B型號嘅280匹狠勁輸出，性能表現絕對毋庸置疑。然而，經強化嘅車架加上一套出色嘅AWD系統，亦能有助增強車子嘅循迹表現呢！