看完《TheMatrixReloaded》，頓覺光陰似箭，自94年從《Speed》認識大隻有型的奇洛李維斯後，四年前的《TheMatrix》，他還可穿緊身衫褲出鏡大耍功夫，雖今集多了硬橋硬馬的真功夫，不再單靠威吔飛來飛去，可惜是，從銀幕上發現奇洛腰間多了兩錢豬腩肉，穿上長袍上陣殺敵，身手有點笨拙，打得辛苦，絕不輕鬆，就連一場露股床上戲，也變得甚無睇頭，英氣不再，慘！不過，我還是欣賞袁和平設計的精采動作，正因如此，幾位MatrixFans更來個大比拼，看誰能做得最似？
記者：梁佩芬 攝影：陳陶鈞 Model：Niki(Kone)、阿博、Mark、Howord、Tiger仔
五位Fans，分別是龍虎武師阿博、HipHop友Horword、ModelNiki及Mark，還有五歲的Tiger仔。其實Matrix裏面動作大多數都加上威吔輔助，唔係邊有咁型，不過幾位在全無輔助下，非常認真，玩到身水身汗，Tiger仔還仆襯，但只要飲啖汽水，就立即恢復元氣，連側手翻都做到！
1.鐵桶飛身轉無威吔實唔得
2.飛鷹動作無難度
3.拗腰避子彈女仔濕晒身
4.後手翻HipHop友最勁
看《Matrix2》那朝是在早上十時，全場滿座，但近七成都是男人，更有一堆小孩坐在我前面，我不知年紀小看得明故事內容與否，但有幾個場面，全場都大笑，當是補償看不到有型奇洛的驚喜吧！
1.法文粗口講乜呀？
Merovingian話法文係世界上最美麗的說話，連粗口都好好聽，跟着他就狂講一大堆法文，無字幕，究竟講緊乜，識法文的朋友，麻煩轉告！
2.勾引奇洛咀得冧！
《西西里的美麗傳說》性感女神蒙妮卡貝洛琪，她是Merovingian老婆，身材出眾都不及一幕要求尼歐喺女友崔妮蒂面前，四唇緊貼相擁吻場面，來得吸引！
3.Keymaker全場關鍵？
祭司叫尼歐搵一個對虛擬世界好關鍵的Keymaker，原來佢真係一個做鎖匙的人，這樣子的故弄玄虛，逗得全場發笑！
三年前《TheMatrix》推出之時，也有搶購電影產品熱潮。到今天舖頭只剩下四隻十二吋公仔，想買趁手。第二集新貨於六月在美國發行，暫時計劃出三個系列，分別是七隻吸塑公仔、一個場景模型及特別版公仔，現正接受訂購。
功夫尼歐
莫裴斯$200/隻(a)
第一集莫裴斯教尼歐功夫，還教他致勝之道就是「快」，兩人穿上類似日本武術衫，幾神氣，訓練到今集尼歐打得又飛得。
雙槍Pose最殺死人
崔妮蒂黑得型$450/對(b)
記得尼歐揸雙槍的Pose嗎？今集無咗呢招，難得搵到這個公仔，細看下，面容做得與奇洛甚相似，再加上女友崔妮蒂，長袍好閃好有型，買齊一對才有價值！
店舖資料
a.ClarksComic
電話：28907718
地址：銅鑼灣糖街15-23號銅鑼灣中心Shop202
b.玩具跳蚤
電話：28826850
地址：銅鑼灣糖街3號銅鑼灣商業中心1601室