港英遺留落嘅「地王」添馬艦莫非真係唔掂得？
九七以來，呢塊地一直丟空，政府完全唔知浪費兩字點寫。噚日行政署署長黃灝玄又話𠵱家暫時擱置喺添馬艦起總部，再檢討半年，你話係咪等到頸都長埋先有個新政府總部同立法會大樓？
九鐵沙田中環線又俾佢連累，臨門一腳，當局以保安理由唔准田北辰喺添馬艦政府總部下面起車站，要個站搬去金鐘，但係地鐵蘇澤光又唔肯幫手。
忽然唔畀起車站，有說係葉劉淑儀驚中央領導來港時，有恐怖分子喺車站放炸彈，其實要搞破壞，唔一定要喺鐵路車站搞吖，但特區政府就小心之極。至於話地鐵唔肯相就，睇怕都唔關事，因為好快廖秀冬局長就會向行會建議將兩鐵合併，到時由田北辰做主席又好，錢果豐做又好，喺金鐘起多個站畀沙田中環線做出口應該唔難。但如果政府放棄塊地王，咁條鐵路就唔使再改。
傳真︰2623-9278
電郵︰