上個星期余志穩喺立法會解釋賭波條例嘅時候，話青少年有拖拍之後，或者戒埋賭都未定。佢噚日同八方成班行家食飯，講開呢個拍拖論，原來條橋嚟自經典電影《秋天的童話》，因為周潤發做嘅爛賭船頭尺，識咗女朋友之後就賭少好多。
點知一講到呢套戲，同枱嘅契媽李麗娟就即時哼起「在森林和原野……」，原來佢好鍾意《秋天的童話》，重睇咗五十幾次㖭！而近來就追緊亞視外購劇《孝莊秘史》。
不過嚟緊七月，八方就有成個月見唔到契媽，事關佢暑假會返加拿大探媽咪，雖然世衞撤銷咗對香港嘅旅遊警告，但係契媽屋企人依然要求佢自我隔離幾日先好四圍去玩！
傳真︰2623-9278
電郵︰