曾志偉和陳祖澤昨晨為《公益金疫境同心濟社群》，到粉嶺佛教寶靜安老院探望住院長者，但志偉卻姍姍來遲，令幾十名老婆婆苦等差不多兩小時。不過志偉抵達安老院後，一班老婆婆不但未有半句怨言，還搖動手上的旗歡迎志偉。
事後問志偉為何讓一班老人家苦等時，他以笑遮醜道：「噚晚我拍《無間道II》ending，拍到好夜，今朝七點先瞓，所以唔知醒。」
志偉的愛女曾寶儀日前飛到北京拍劇，問志偉會否擔心女兒安危時，他說：「冇辦法啦！惟有成日打電話問，不過以我所知，每一個劇組都要經過隔離先可以開工，每日都要量體溫三次。」志偉又透露早前因非典推了一部戲，他說：「上個月之嘛！部戲叫《茉莉花開》，部戲入面重話我會同章子怡、陳冲親熱，冇計啦！鬼叫我嗰時發燒，重以為自己中招，好彩唔係。」
採訪、攝影：楊潔雯