港股昨日裂口高開109點，其後走勢穩步向上，午市初段，好淡在2月頂部9463水平爭持，好友攻克該阻力後，恒指升勢加快，一度突破9500，最後收9492，大升188點，升幅2%，成交增加至106億元。
恒指過去3個交易日，由9059升至9492，累升433點，升幅4.8%，9RSI升至83，技術已呈超買，但現階段好友氣勢仍盛，昨日恒指突破2月頂部9463並守在其上收市，走勢較預期強，若外圍市況配合，不排除好友在期指結算前會嘗試挑戰250日線（現處9686）。
恒指今日出現調整機會頗大，昨日有一個上升裂口9313至9411，可能先補回大部份裂口再上試9600-9700水平，在9300水平可伺機吸納恒指Call輪9723，該輪8月6日到期，溢價縮至1%，槓桿率12倍，其實相當抵玩，當然隻輪有如此數據，亦反映市場覺得港股升幅有限。不過，相對於現時溢價偏高的Put輪，9723風險唔算太大。
另方面，港股由4月尾至今，累積升幅逾千點，幾隻作為升市先鋒的大藍籌已出現疲態，其中以滙豐（005）最先出現調整機會較大，但滙豐Put輪實在無太多選擇，勉強揀得落手係9655，昨收0.235元，7月21日到期，溢價3.2%，槓桿率38.9倍，大槓桿嘅短命輪唔易玩。港股今個升浪若出現調整，估計由滙豐帶動，後市或出現恒指橫行，但滙豐下跌的市況，不妨預先昅實滙豐Put輪。
趙飛雲