首次踏足紅館舞台的盧巧音（Candy）前晚流着淚結束尾場個唱，日前她事先張揚指舊愛謝霆鋒一定會現身捧場，但大前晚和前晚都未見霆鋒的蹤影，令Candy十分尷尬。
盧巧音首次在紅館舉行的兩場演唱會前晚已圓滿結束，Candy完場前唱《好心分手》後即忍不住淚灑舞台，場面感人。
早前Candy多次聲言舊愛謝霆鋒一定會捧她場，又曾甜絲絲表示希望對方獻上她最愛的火百合花。結果個唱曲終人散，亦不見霆鋒蹤影，反而換了陳冠希（Edison）前晚上台獻花，Edison拿着花匆匆上台說：「Sorry呀，我啱啱落機返嚟。」
事後Candy被問到事先張揚一定會到場的百厭仔謝霆鋒及陳奕迅（Eason）都未見出現，她尷尬地說：「Eason飛咗去美國，霆鋒唔知飄咗去邊呀。好多謝Edison，估唔到佢先係百厭仔。」
霆鋒前日下午出席簽名會時跌倒，Candy得悉後微笑說：「係咩？等我打電話問吓佢先。」前男友余文樂亦未見捧場，Candy說：「呢啲嘢自發性嘅，多謝佢有送花，我會將每個花籃留低，然後寫番多謝卡畀佢哋，好榮幸梅姐同四大天王都有送花籃畀我。」
問Candy是否會送多謝卡給余文樂？她說：「睇吓有冇機會啦，見到咪畀囉，放過我啦。」前晚Candy請了何超儀、梁漢文及蕭正楠任嘉賓，洪天明與緋聞女友楊怡、吳家樂及鄧健泓等前來捧場。
何超儀及蕭正楠獨唱時，很多觀眾趁機上廁所，楊怡返回座位時，向坐在附近的鄧健泓說：「好唔好睇呀？」鄧健泓說：「幾好呀。」楊怡即不屑地笑說：「你咁假㗎。」
採訪：王連連 攝影：何國豪
