瘦田冇人耕，耕開有人爭，最近屯門茵翠豪庭爛尾樓事件，原本民主黨新界西立法會議員何俊仁上星期一直協助小業主，但噚日突然又殺出民建聯嘅譚耀宗，陪同兩個業主去見樓盤接管人安永。
據八方所知，安永原定噚日公布業主可收樓嘅好消息，但冇諗過開記者會，而譚耀宗噚日介入，同安永一齊出嚟公布好消息，好似成功爭取到業主權益。呢件事其實都幾複雜，聽講係中聯辦主動插手，以免樓市出現震盪，咁啱債權銀行中銀、建築商中國海外都係自己人，既然問題解決，冇理由唔畀自己人攞威，所以何俊仁呢鋪真係臨尾俾人截胡。
傳真︰2623-9278
電郵︰