謝霆鋒昨日在柴灣拍攝內地品牌特步波鞋平面廣告，據知他會扮未來戰士，與Twins一起拍攝。昨日霆鋒和未未來戰士的戰衣合照時，上下其手，頗為不雅。
前日霆鋒在簽名會上跌倒後大發雷霆，昨日有記者叫他放心坐在木箱上，霆鋒笑說：「如果你俾我老竇聽到，佢一定會車你埋牆！」
早前有報道指王菲曾到雲南探在當地拍攝《玉觀音》的霆鋒班，問霆鋒是否真有其事，他說：「我唔答呢啲問題。」
問霆鋒現在王菲是否其女友，他說：「呢啲嘢我唔再答，我覺得答都冇用，次次答完同寫出嚟都唔一樣。無論我做幾多嘢都好，啲焦點都會落番去呢樣嘢度。」霆鋒又表示雖然沒有捧盧巧音場，但事後亦有與對方一起玩。
對於霆鋒於《1:99音樂會》掟結他有搶風頭之嫌，他無奈地表示：「呢啲嘢各花入各眼，其實嗰日我係嬲自己令觀眾失望先咁做。」
採訪：李珮洳
攝影：陳慧安