阿松做財政司司長，認真細眉細眼，唔怪得李鵬飛形容佢係執豆財爺（Bean-counterFS），即係好似啲淨係掛住逐粒朱古力豆數嘅會計師，數完都筋疲力倦啦。
講落又係似足阿松風格，君不見佢連「振興經濟策略小組」個名都驚交唔足貨，要易名為「重建經濟策略小組」，就知佢哋幾冇膽，重話要佢大興土木，嘥鬼氣啦，佢最叻咪叫人賣魚蛋，搞本土經濟。
所以話靠阿松冇運行，不如等麥肯錫報告好過。原來McKinsey&Company今次係義務性質為特區把脈，當係一種communityservice（社會服務），唔講唔知，麥肯錫當年亦同911後嘅紐約市做過義務顧問，教佢哋點重建信心，所以真係可稱災難專家。
唔少被邀請去噴口水嘅有識之士都話McKinsey啲專家好好傾，有機會盡數老董及特區政府不是，一個鐘肯定唔夠。
傳真︰2623-9278
電郵︰