謝霆鋒和容祖兒昨日舉行簽名會，其間霆鋒拖着祖兒站在簽名桌上與觀眾揮手，誰知失平衡跌倒，屁股着地。兩人首次合辦簽名會落得如此收場，霆鋒竟發脾氣謂以後不搞簽名會。
謝霆鋒、容祖兒和英皇3T昨日在銅鑼灣某電訊公司門市舉行簽名會，吸引近二百歌迷到場，加上百多名圍觀市民，令該處擠得水洩不通。
簽名會完畢後，霆鋒帶着祖兒和3T向歌迷揮手道別，他擔心後排觀眾看不見他，指着簽名桌對祖兒說：「不如我哋企上去呀。」祖兒拒絕說：「唔好啦。」霆鋒遂獨自跳上簽名桌，並有型地向歌迷揮手，又伸手拖祖兒上去。怎知祖兒跪在簽名桌上時，整張桌子突失去平衡，二人雙雙跌倒地上。
不過祖兒很快就站起身，相反霆鋒一時間失去重心，一屁股跌坐地上，情況狼狽又尷尬，要近八位工作人員扶起。霆鋒定過神來以笑遮醜，還邊行邊揮手以示無恙。
事後祖兒和霆鋒互相推卸，祖兒忍不住笑說：「係霆鋒提議我企上枱畀人影相，點知搞到咁。霆鋒先行一步，重俾張枱夾住，好慘呀。好彩我食過夜粥，企得穩。我啱啱先移番好個天靈蓋（其實是指膝蓋），第一次同霆鋒搞簽名會就咁收場，得一個字，瘀呀！」
霆鋒則怪祖兒說：「我企高都冇事，係祖兒重咋嘛，我冇俾枱夾親，係一邊枱腳爛咗啫。」當得悉祖兒謂首次與他合辦簽名會竟如此收場，霆鋒面色一沉說：「下次唔好搞囉。」
霆鋒被問到在《1:99音樂會》中，與栢芝在台上互相躲避，霆鋒黑面說：「你哋睇到咩？邊個避呀？」霆鋒最後說：「我唔識講呀，sorry呀，我唔做訪問呀。」隨即轉身走人。
採訪：胡比
攝影：陳慧安
