近期二三線工業股批股的浪潮停不了，一浪接一浪，究竟餓貨嘅芬佬幾時先會食滯呢？
東強電子（615）打開口牌，講明研究批股。另外，魚缸傳聞生產隱者龜嘅彩星集團（635）亦有意批股，但就唔知係自己主意，定係有證券行提議？
經紀陳話，這正好解釋東強同彩星近期股價異動嘅原因，兩股上升幅度唔細，但東強相對較可取。
家陣絕大部份工業股配股，都係大股東賣舊股套現，好似上周五晏晝停牌嘅中意控股（1198），亦係公布大股東減持500萬股。
家陣東強講明搞集資，係因公司有發展計劃需要資金，對於投資者心理上嚟講，點都好過係大股東減持套現。
東強股價在1個月內，由唔夠0.40元，升到上周五收市0.57元，但PE只是4.56倍，兼夾有股息派。東強從事電子消費產品，據講近期呢類行業，芬佬較為受落，加上彩星業績表現一般，東強相對較值博。
慕容小初