曹眾昨日以代言人身份到中環出席一間纖體美容中心的開幕禮，楊怡、陳敏之及劉綽琪都有到場祝賀。
楊怡早前與洪天明傳緋聞，她透露近日沒有工作在身，問她是否忙拍拖？楊怡說：「唔係，邊有拍拖。我同佢（洪天明）有行街食飯，但都大班人去，我哋只係朋友。」問楊怡會否覺得天明花心？她謂：「做朋友唔計較以前嘅嘢，打家劫舍都會改過自新啦。」
問楊怡知否洪天明前緋聞女友徐子淇稍後將由英國回港？楊怡尷尬說：「我唔識佢，至於話佢返嚟，好吖！」
此外，曹眾表示近日成功減去十磅，現只得二十四吋腰，她說：「我唔會行性感，但都會着三點式，𠵱家多咗啲男人追㗎。」問她六叔邵逸夫有否稱讚她？曹眾說：「我未見到佢，冇聯絡呀。」
採訪、攝影：汪正文