二人組合Shine及DJTommy昨日到尖沙嘴出席商台「DJBEATFIGHTS」活動擔任評判，只見Shine的徐天佑剪了一頭清爽短髮，人又清減了不少，天佑說：「我係瘦咗幾磅，𠵱家剩番一百三十磅。」早前有傳他與緋聞女友Cookies的Miki已分手，問他是否失戀因而變得消瘦？天佑說：「唔關事，我工作多咗又食少咗嘢啫，我重想增肥啲同大隻啲呀，想谷到個胸五十吋，不過我唔鍾意大波喎。」
而又南亦替天佑否認失戀，又南說：「佢冇戀點失呀？一日食嗰兩餐梗係瘦啦。」有報道指又南買HelloKitty鬧鐘送女友，他否認說：「我屋企個鬧鐘壞咗，我要睇叮噹鬧鐘，但個sales就用其他鬧鐘試聲畀我睇，不過卒之我兩個都冇買。」
採訪、攝影：王崇穎