章小蕙開設三年半的時裝店宣布結業，現在會作大減價，八月正式關門。
昨日章小蕙在店內接受訪問時心情並不太差，她說：「終於都放下心頭大石，反而啲朋友同客人就好唔捨得，好似去party咁冇理由要曲終人散先離開，好玩時就要走，呢三年半最大嘅收穫係賺到個人嘅尊嚴。
「𠵱家暫時做番personalshopping同寫稿，化妝品生意就繼續，有啲新計劃傾緊，可能到年底先成事。」她還表示正有一部中韓投資的電影在洽談中。
問章小蕙欠裕泰興的二億五債務解決了沒有？她說：「你哋唔好再圍住呢個話題，喺舊年八月件事已經了結咗，我哋雙方再冇文件來往㗎啦。」
採訪、攝影：JessicaNgan