呂志和旗下嘅嘉華國際噚日舉行股東周年大會，由於呂氏重喺美國未返，噚日嘅股東會由呂大公子耀東主持，警隊前任一哥許淇安就首次以執行董事身份亮相。許淇安今年年初加入嘉華集團任常務董事，三個月後被委任為上市公司嘉華國際嘅執行董事。
八方問呢位前一哥，點解加入嘉華？佢笑謂自己退休已經兩年，加入嘉華主要係應多年好友之邀，幫佢睇吓人力資源同行政。至於久休復出，點解揀加入嘉華呢？一哥不失一貫幽默作風問番轉頭：「乜你以為我好搶手咩？」（乜唔係咩！）「事實上唔係㗎。」唔係就唔係啦，點都好過劉玉權呢。
（圖）許淇安首次以執行董事身份亮相嘉華股東會，雄風不減。
傳真︰2623-9278
電郵︰