譚詠麟前晚與吳君如到有線電視出任「有線電視娛樂新聞台」的顧問導師，阿倫雖然與無綫沒有歌星合約，但不少與無綫沒有合約的歌星，都不會亮相其他電視台。
對於今次在有線亮相，阿倫前晚說：「我都唔係第一次嚟，之前林敏驄做節目我都嚟過好多次，我做講座又唔係做節目。」提到香港將會設星光大道，阿倫說：「張活游同吳楚帆實有份，我就唔知有冇，個個人睇法唔同，無謂揣測啦。」
至於吳君如則表示，希望能順利於七月開拍電影《金雞》續集，她說：「我會再叫啲老友拍，拍十集都得呀，重有黎明、學友、克勤、阿倫，秋生，我大把老友都未用呀！」
此外，君如昨日在維園接受訪問，被問到有傳陳奕迅與英皇決裂，是因為他私自接拍《金雞》，君如說：「套戲拍之前我同佢經理人傾過晒，所以唔關事。」
採訪：李珮洳 攝影：陳偉權