八方噚日瀏覽網站，睇到一段料好有趣，原來內地地產公司萬科集團董事長王石，本周四下午成功登上珠穆朗瑪峯頂峯，成為首位登峯嘅中國企業家。
據內地《中華工商時報》報道，王石今次參加紀念人類登上珠峯五十周年活動，屬於中國業餘登山隊B隊一員，登山隊由凌晨二點，從海拔八千三百米嘅營地出發，經歷十二小時五十分鐘，王石順利到達八千八百四十八米高嘅頂峯。
參加呢個登山活動嘅內地企業行政總裁重有搜狐行政總裁張朝陽，但佢只去到六千六百六十六米高。
外國都有喜愛登山嘅有錢佬，香港同中國就好少；八方同王石在港嘅朋友傾起，原來佢雖有腳患，但愛好此道，經常攀登國內外名山大川，之前都上過珠峯一次。
傳真︰2623-9278
電郵︰