馬會上星期招聘大量員工，為準備迎接八月開鑼嘅足球博彩作準備；另一邊廂，政府為爭取立法會通過賭波，噚日向立法會議員介紹專設基金，話呢個基金會喺十月成立一個治療病態賭徒中心，但俾何秀蘭質疑，認為八月就開始接受足球博彩，但十月先至成立治療病態賭徒中心，兩者未能配合。
民政事務局副秘書長余志穩即刻話：「唔係一條『波纜』就會成為問題賭徒，通常係涉及連續玩嘅嘢（賭博），好似番攤、牌九咁。」但喺議員窮追猛打下，余志穩竟然話：「年輕人嘅行為有間歇性，有時會好曳，但有時會返回正途，去咗拍拖。」此語一出，在座議員無不嘩然，班議員話：「拍拖可以令人戒賭，都係第一次聽到！」
（圖）余志穩話唔會因為一條「波纜」就會成為問題賭徒。
傳真︰2623-9278
電郵︰