盧巧音（Candy）昨日在紅館為今晚舉行的首次個人演唱會綵排，她表示今次個唱的服裝花了約六位數字，Candy說：「大部份都好colourful，其中會有件bratop襯短褲加紫色絲襪，我已經試過件衫，唔會走光㗎，到時我重會喺台上除衫。」問眼淺的Candy會在唱哪首歌時哭？Candy說：「一定係《好心分手》，啲fans都一齊唱。」
問Candy謝霆鋒會否上台任嘉賓？她說：「佢唔係做嘉賓，佢嚟睇之嘛。嘉賓有四個，鄭中基、梁漢文、蘇永康同埋何超儀。其實佢（霆鋒）唔上台都唔係一個損失，因為個台咁靚，佢都可以喺台下欣賞，至於佢會幾號嚟就唔知啦！」
採訪、攝影：陳梅香