鄭中基的新碟日內推出，唱片公司除斥資過百萬宣傳和送DVD外，還將大碟先交予發行商和唱片舖，暫不收錢，認真抵得諗。
鄭中基（Ronald）的新碟《唔該救救我》日內推出，該碟是黃柏高的金牌娛樂公司頭炮推出的唱片，故Ronald和黃栢高甚為緊張，除斥資過百萬在各巴士站、報章、電視和卡拉OK大賣廣告外，唱片還附送五首新歌MV的DVD。
Ronald說：「今次出碟壓力係幾大，最慘係我一緊張，鼻敏感就發作，阻住做嘢，之前重搞到扁桃腺炎，卒之本來四月出碟搞到五月先出到。我最開心係試咗好多新嘢，有兩首歌嘅MV會好似外國歌手咁，做啲圖像再加我個樣，好時髦㗎。」
除了動用龐大製作和宣傳費外，Ronald的新碟亦會以新方法與發行商交易，金牌唱片工作人員陳小姐日前說：「以往一般歌手出碟，我哋係批幾多貨收幾多錢嘅，但今次我哋對Ronald好有信心，所以一次過將所有貨批晒畀拆家同唱片舖，唔收錢住，睇佢哋賣咗幾多先再計數，免除斷貨後嘅補貨時間。」
Ronald早前花了一整天拍攝唱片封套，換了四套衣服，影了六十筒菲林，最後只選用了三張相。
此外，Ronald昨日到新城接受訪問，問他會否送新碟給楊千嬅？他說：「我會送簽名碟畀佢，寫to千嬅，enjoy咁囉。」
