恒指再升71點，兩隻石油股生猛，中石油（857）由1.83元彈上1.92元，中石化（386）由1.53元升上1.59元。
昨日所提中石油Call輪9381，老定得滯，錯失機會，一開市已經高開20%，收13.4仙，升幅144%。近排中石化落後中石油好多，有望追番多少失地，可以諗吓中石化Call輪，正選係交投較多嘅9379，8月到期，現價11.1仙，溢價0.1%，槓桿率14.3倍。9227好抵買，年底到期，負溢價2.4%，槓桿率6.4倍。
紅籌國企繼續出色，中遠（1199）升30仙，收7.60元。Call輪9691成交1球，由35仙彈上47.5仙，7月到期，溢價6.9%，槓桿率16倍。要博嘅話，趁低買9658較適合，8月到期，現價72仙，溢價5.3%，槓桿率10.6倍。
華能（902）愈升愈有，收8.15元，再有4.5%進帳，大部份Call輪溢價收晒，交投亦唔多，最值得留意嘅係9728，9月到期，現價1.73元，溢價1%，槓桿率4.7倍。
汽車股獨駿威（203）有Call輪發行，駿威昨日微跌1格，個勢都重係向上，可撈番多少Call輪等賺錢，9746溢價22%，唔使睇住，9701溢價亦唔低，但實際好多，11月到期，現價32仙，溢價13.5%，槓桿率9.1倍。
章盛