李彩樺（阿Rain）昨日下午於尖沙嘴金牌經理人公司開記者會，交代有關父親欠債一事。阿Rain表示父親除了欠下十萬多有關股票的債項外，她亦代父還了一筆做生意時欠下的貨數。
阿Rain說：「其實爸爸欠嗰筆貨數我已經還咗七位數，但係重有六位數要還，而有關佢炒股票嗰啲錢，因為涉及法律，所以要同律師商量。個經紀未經我媽咪同意，就畀個戶口我爹哋用，佢咁做已經犯錯，所以佢要負責任。」
阿Rain談到有不少朋友致電慰問時，淚如雨下說：「我有好多朋友話支持我，我最希望係媽咪冇事，亦唔想佢唔開心。」阿Rain表示事發後其父沒有聯絡她，據金牌經理人公司總經理李章富透露，公司在金錢及精神上均支持阿Rain。
而阿Rain和方力申日前擔任「雁心會」宣傳大使，早前兩人在郊區拍宣傳照時更被蚊叮得很癢。採訪、攝影：李珮洳