Twins近日接受雜誌訪問，大談戀愛經和少女心事。蔡卓妍（阿Sa）表示一旦遇上心儀對象，便會勇往直前，向對方表白心迹，但鍾欣桐（阿嬌）則剛剛相反，她覺得當面示愛被拒不好受，寧願暗示。
人氣組合Twins最近接受新一期女性雜誌《Cosmopolitan》訪問，大談對戀愛的看法。蔡卓妍和鍾欣桐雖然工作合拍，但二人對戀愛卻持有不同的意見。
阿Sa自認心口掛有「勇」字，她表示一旦遇上心儀的對象，就會主動出擊。阿Sa在訪問中說：「我當然『勇』，其實唔單止對拍拖，我對其他事都比人勇猛，我會主動打電話問人，重會同佢講我對佢有好感，我覺得如果對方唔鍾意我就算數，一定唔可以將心事放喺心裏邊，我唔鍾意嗰種感覺。」問到阿Sa在入行前，曾「勇」過多少次？她說：「我係屢敗屢戰嗰種人，讀書時已唔鍾意暗戀，一遇到對象就會表白。」
阿嬌則剛剛相反，她一定要感覺到心儀對象對自己有好感，才會以暗示形式示愛，阿嬌說：「我覺得如果對方冇表示，我就唔會有行動，我始終係個女仔嘛。我一定唔會直接示愛，只會用send短訊形式，又或者喺對方call機留說話，一旦俾人拒絕都冇咁尷尬。」阿嬌過往曾向心儀的男士示愛過三次，她說：「如果對方同我講冇發展機會，我會建議大家先做朋友，老實講，真係冇可能發展嘅，我會同佢講清楚。」
此外，Twins去年成為「甲+乙型肝炎預防大使」，今年再接再厲任宣傳大使，分別扮演功夫一派及老師學生造型。她們更接受甲+乙型肝炎混合疫苗，阿Sa並已完成整個注射過程，她說：「我𠵱家得到全面保護，就算去海外工作，都可以好放心。」
撰文：比華利