任賢齊早前來港宣傳電影，適逢南丫島天后寶誕有龍舟大賽，他特意抽空參加，一嘗在香港扒龍舟的滋味。小齊雖然只得到倒數第二名，但他已十分開心，因為一班南丫島的居民齊聲合唱《對面的女孩看過來》為他打氣。
任賢齊是在農曆五月五日端午節出生，不知是否這個原因，他對所有水上活動都非常熱愛。上星期小齊來港為電影宣傳，其住在南丫島的朋友通知他南丫島天后寶誕有龍舟大賽，問他能否抽空參加，小齊即一口答應。
小齊當日由早上十一時扒到下午三時多，他說：「我哋之前分組賽已經分到最低級嗰一組，但都係包尾，喺決賽我梗係唔希望包尾啦，所以佢哋個個喺度唱《對面的女孩看過來》同我打氣，搞到我好鬼感動。最終我哋都不負所望贏咗，不過係由尾數上嚟第二，唔使包尾已經好開心，我重跳咗落水慶祝。」
小齊當年在台灣讀書時，每年生日也會與朋友扒龍舟，他說台灣的龍舟比香港的大得多。但由於小齊並非專業選手，所以在台灣時也經常包尾，今次得到尾二，已成為他最佳的生日禮物。
小齊因為工作的關係經常來港，當他發現南丫島這個地方，他便愛上這個小島，他本想在南丫島置業，但已有朋友助他完成心願，小齊說：「我其中一個朋友同我講，佢有好多間屋喺南丫島，如果我想住就畀一間我住，佢話我又唔係成日喺香港，間屋冇人打理，𠵱家有免費宿舍咪重好。」
撰文：胡比
