張燊悅近日為一間美甲中心擔任代言人，日前她戴上爆炸頭假髮，穿上由上衣改成的迷你裙拍攝平面廣告，還大擺S美人甫士騷其靚甲，不過她因要半舉手臂兩小時拍攝廣告，結果令她手部麻痹。
張燊悅（Nicola）近期為NailNail指甲美容擔任代言人，日前她在黃竹坑一影樓內，塗上新引入的水染甲拍攝平面廣告，她更戴上假髮，穿了兩套性感服裝上陣。
不過，戴上爆炸頭假髮的Nicola與在場攝影師的髮型，驟眼看幾乎一模一樣，連Nicola也笑言應與對方扮Twins，而Nicola分別穿上tubetop配長裙，及絲質露臂裝，相當性感，她所穿的絲質裙子，原來由一件上衣綁成。
Nicola說：「我揀咗呢件衫之後，想揀條裙襯番，但搵唔到同料嘅裙，所以我就買多件一模一樣嘅衫，將件衫當裙着囉。」
而Nicola在拍攝時，攝影師要求她半舉手大騷靚指甲，又要她大擺S美人甫士，結果她舉起手臂近兩小時，大感麻痹。
此外，今次Nicola與美甲公司簽約一年，除獲六位數字酬勞及獲贊助各式美甲外，對方亦有附加條件，Nicola說：「我喺做代言人期間，每次出席公開場合，都要搞靚啲指甲，咁都好，有人幫我扮靚，況且都唔係好嘥時間。」
Nicola為以最佳狀態拍廣告，拍攝前夕更特別自掏腰包做推拿通淋巴，她說：「我都覺得去咗啲水腫，個人瘦咗好多，我着緊呢套衫，買嘅時候就啱啱好，𠵱家件衫都鬆晒咯。」
採訪、攝影：朱芷瑩
