好多人到𠵱家，重以為喺沙士瘟疫中死得人多嘅淘大花園好污糟，但其實唔係，嗰度反而可能係全香港最乾淨嘅地方！
衞生福利及食物局副秘書長姚紀中噚日喺立法會講，世衞小組做嘅淘大花園調查報告，冇研究老鼠同曱甴帶菌嘅因素，係因為專家嗰日喺淘大攞唔到老鼠同曱甴樣本：「佢哋話打開個坑渠蓋，一隻老鼠同曱甴都見唔到！重讚我哋清潔做得好。」議員羅致光即刻笑話：「食環署搞咗咁多年，香港重有老鼠，真係要研究吓點解淘大搞得咁好。」梗係啦，嗰度經過咁多部門嘅清理，乜菌都死晒啦！所以話呢，淘大花園居民真係可以放心。
傳真︰2623-9278
電郵︰