田北俊前日開完行政會議，出嚟爆響口話估計失業率有七點八，結果惹來洩密疑雲，佢噚日開開吓立法會，唔忿氣周圍搵人呻，話前日行會根本冇傾過失業率，佢只係估中，點知中午新聞播咗出街之後，就連葉澍堃都笑佢唔需要攞政府嘅linetotake，因為佢乜都知道啦！
八方奇怪，田少估得咁準，係咪之前有高人指點？定係總商會嘅首席經濟師歐大衞咁醒目幫佢計到？點知田少真唔畀面，話歐大衞冇料到。
但田少噚日鬧王永平鬧得重甘！佢話啲部門想呃議員，係都唔肯每年交出減公務員嘅實數，只係肯○六、○七年交代係咪減咗一成。田少話如果到時減唔到一成，王永平都拜拜啦，到時又可以點算？
講到自願離職計劃失敗，田少更加火上心頭，話王永平老點特首，判斷錯誤。
傳真︰2623-9278
電郵︰