「吓？BB用品減價？啱喇啱喇，我都要買定啲嘢畀BB，有啲咩抵先？」懷胎7月的許秋怡聽見BB兩個字，已經naturalhigh，知道今次嬰兒用品展銷中，BB床加手推車再加餐椅夾埋都唔使一千蚊之後，更決定即刻飛身嚟掃貨，做個精明準媽媽。
記者：馬慶武
攝影：陳盛臣
許秋怡同王書麒嘅BB預產期係8月，𠵱家秋怡巳經放低所有工作等生仔，但係因為第一次做媽媽，都幾手忙腳亂：「其實都唔知有咩準備㗎，都係周圍問啲有經驗嘅朋友啦，BB用品一件都未買呀。之前買咗啲『過頭笠』嘅BB衫，但係聽番啲朋友講話初生BB最好着開胸嘅衫仔，所以要買過晒喇。」秋怡重話近排SARS肆虐，令佢壓力好大，成日失眠，不過好彩有班朋友傾吓偈，加上諗起BB就快出世就開心番晒喇。
「我咩都未買，咁BB出世之後，床、手推車同餐椅都一定用得着，𠵱家一千蚊可以買齊三樣嘢都真係幾抵，而且張床好似都幾穩陣，呢樣最緊要呀，瞓到成三歲㗎喎。」
原價$2,069 特價$998
包括有台灣製嘅C-MaxBB木床、手推車及學行車，若果唔要學行車，就可以揀BB餐椅或4件裝BB床上用品代替，總之無論揀咩，套裝價錢都係$998，一千蚊唔使就可以買齊BB仔起居必需嘅家具，重有奶樽套裝送，絕對超值。
原價$2,098 特價$998
另一$998套裝，包一張木床、5件裝BB床上用品同埋手推車，同套裝A最唔同係無得揀學行車同餐椅，不過手推車係較方便嘅雙向手柄設計款式，所以原價較貴。另外隨套裝附送米奇BB浴盆一個。
原價各$49 特價各$29
呢次減價貨品當中都有唔少BB衫，呢套米奇童裝就啱1至3歲嘅BB着。另外重有啱初生BB着嘅蛤乸衣。
原價$59 特價$39
鞋仔款式以涼鞋最多，最啱夏天，而且有齊6個月至3歲大BB嘅尺碼。
原價$128 特價$79
套裝包括一大一細勁可愛嘅維尼頭奶樽，重有啷啷玩具。另外隨套裝再送埋TommeeTippee嘅玩具同口水肩一條，今次BB仔們真係有得食又有得玩。
原價$192.9 特價$142.9
原價$118.8 特價$72.9
紙尿褲係BB嘅必需品，成日要買花費都唔少。今次唔同牌子唔同尺碼嘅紙尿褲都一樣有得減，一包平幾十蚊，一於買定多啲存貨，慳多啲。
嬰兒用品及服飾展
地點：全線吉之島（將軍澳店 27032888）
展銷日期：即日起至5月28日（樂富及屯門店至29日）