譚詠麟前晚與性感外籍女模拍攝新歌MV，其中還有接吻鏡頭。女模性感又風騷，大跳扭腰蛇舞，阿倫見她即讚好，又主動上前搭訕，二人相談甚歡，令阿倫今次拍MV拍得既順利又開心。
譚詠麟最近推出黃品源為他寫的國語新歌《邂逅》，他前晚在中環某餐廳拍攝該曲MV，導演特地找來一名英籍女模Nicola任女主角，配合MV的歐西風味。
女模穿着一件黑色bratop襯一襲透視長裙，性感之餘，還即席大跳扭腰蛇舞，相當風騷，阿倫一見她即說：「呀，幾好喎！」隨即與女模搭訕，問她喜不喜歡香港，女模亦十分開心地與阿倫攀談，而MV中更有二人的kiss鏡頭。
阿倫接受訪問時說：「女主角係導演搵，我冇casting過，唔係我刻意搵。我哋重用最新嘅HD機拍，拍出嚟嘅嘢比菲林機更有層次。」
阿倫謂他自九七年後都未有推出過國語歌，而此首新歌《邂逅》會收錄在他稍後推出的新碟《不一樣的譚詠麟二部曲》。
阿倫手及頸都戴了一條藍色繩，他透露是朋友相送，是現時日本藝能界十分流行的飾物，並稱有增強能量的作用，阿倫說：「我戴咗個人都精神咗，頭先瞓咗半個鐘就成個人精神晒，唔使再瞓呀。」
提到麥浚龍（Juno）被偷保母車，阿倫透露十二年前亦曾失車，他說：「叫Juno搵大儍（成奎安），叫大儍啲朋友幫手打聽吓囉。我𠵱家架車通常泊喺屋企附近，有時個司機會喺車入面瞓，應該安全。我十二年前失車，當時冇call大儍，我call咗差館。」
此外，阿倫和吳君如已落實擔任有線二十四小時娛樂新聞台記者和主播的顧問導師，兩人今日會授課，除會以藝人身份接受訪問外，亦會與大家分享娛樂圈的經驗。
採訪：王連連 攝影：陳慧安
