昨日，亞Mark提到響今個周末，香港汽車商會（MotorTradersAssociationofHongKong）發動全港嘅汽車代理商，搞個大型汽車巡遊活動，以響應「同心為香港」嘅救市行動；消息一出，有唔少車行朋友紛紛打電話畀亞Mark，查問有關計劃嘅詳情，亞Mark方醒覺到漏咗口風。皆因身為MTA主席嘅MichaelLee，會響明日下午才召集一眾汽車代理商，前赴仁孚行位處銅鑼灣利園嘅總部開會商議；查實，亞Mark身為香港汽車業嘅一分子，都好希望出一分力，亦祈望相關嘅同業或商會，能夠挺身而出掀起帶頭作用，撇除門戶同敵對嘅問題，咁前路方會露出曙光嘛！雖然今趟汽車巡遊及買車優惠行動，未必一時間能令本地車市復甦，惟同業能以萬眾一心嘅態度，方能喚醒當權者正視汽車業面對嘅問題。今個周末上午11時，亞Mark定必到中環添馬艦舊址，為香港汽車業巡遊出力嘅每一員打氣，同心為香港呀！