在單親家庭長大的張家輝，自幼缺少父愛，他與大家姐的感情最深，記得在童年時每逢聖誕節，他都以為所收的禮物是聖誕老人所送，直到十二歲時才知道是他大家姐儲錢買給他的禮物，而他長大後加入警界，亦都是多得大家姐的支持。
張家輝在五、六歲時，忽然有一日父親沒有再回家，之後他與母親、三位姊姊在石硤尾度過了一個貧窮但快樂的童年，家輝印象最深刻是每年平安夜當晚，他會依照習俗將一隻臭襪放在床前，翌日一覺醒來他便收到一份禮物，兒時天真無邪的家輝一直深信世界上真的有聖誕老人來派禮物。
直到十二歲，家輝才知真相，家輝日前笑說：「由細細個開始，大家姐就叫我平安夜要放隻臭襪喺床頭，聖誕老人就會放啲禮物入去，因為第二朝醒來真係有禮物，而且都係我好鍾意嘅模型同玩具火車，真係好開心，所以每年都好期待聖誕節來臨，直至十二歲嗰年，大家姐先同我講話世界上冇聖誕老人嘅，每年嘅聖誕禮物都係佢死慳死抵，儲夠錢嚟買畀我，我當時知道世界上冇聖誕老人之後，的確有些少失落，但大家姐對我咁好，我都好感動，可惜佢已經唔喺度。」
從小在單身家庭長大的家輝，因為得到大家姐的寵愛，所以他在童年時亦很頑皮，他曾經試過與朋友搭巴士去到距離屋企很遠的東坪洲旅行，不過家輝說：「我點玩都好，大家姐成日迫我練字，字寫得唔好嘅話，重要寫完一次又一次，結果日子有功下，𠵱家我可以寫得一手好字。」而家輝從小的志願是希望做一個真正的男子漢，而他年輕時加入警隊，亦都是多得大家姐支持，惜其大家姐年前因患癌症病逝。
採訪：陳月媚
