19歲賭場邂逅　老婆Fans兩難全
Gackt自爆與韓妻離婚內幕

日本超人氣中性歌手Gackt，被傳多年前與一名比他年長八歲的金髮美女結婚，早前更因與L'Arc~en~Ciel主音hyde太老友，令人懷疑他的性取向。Gackt日前接受日本雜誌《女性自身》訪問時，承認曾經離婚，而前妻其實是一位韓國女子。

「乜嘢國籍唔重要」
Gackt現在雖然大受歡迎，但他不似一般藝人對過去諸多隱瞞。Gackt表示當聽聞有報章指他曾與一位金髮美女結婚時，忍俊不禁，他說：「同我結婚嗰位女子唔係白人，佢係韓國人。其實只要係相愛，根本乜嘢國籍都唔重要。」
回憶從前，Gackt透露十九歲時一邊玩band，一邊在油站和酒吧打工，更曾在賭場內工作，當時Gackt便在賭場內認識到一位韓籍女同事，並相戀結婚，不過二人婚後的生活並不美滿，並令他以後都不想結婚。

「我哋嘅婚姻好短」
雖然Gackt並沒有提到婚姻維持了多久，但他說：「我哋嘅婚姻好短，因為有好多瘋狂fans經常喺屋企門口等我，對前妻構成好大壓力，導致我哋離婚。」Gackt又表示曾幻想過自己的孩子是怎樣，但當回看自己辛酸的童年時，便不希望將不幸帶給下一代。