麥浚龍（Juno）價值四十多萬元的豐田豪華七人車，昨晨停泊在司機位於大埔的寓所停車場時被偷去。該七人車是Juno的胞兄所贈，事發後，Juno胞兄再借出同款同色七人車給他代步。
麥浚龍平時用以代步、價值四十多萬元的豐田豪華七人車，昨晨在司機位於大埔的寓所停車場被偷去，司機早上九時許發現後報警。Juno的七人車是由其胞兄麥俊翹（大寶）去年年尾所送。事發後，大寶即時借出自己的同款同色七人車給Juno代步。
該款七人車是偷車集團的熱門下手目標，星皓電影公司老闆黃海峰的同款七人車，亦曾被賊人偷去。
麥浚龍昨日往紅磡海逸酒店，出席新城電台的宣傳活動時說：「我今日嘅保母車係公司安排，我朝早十點幾去整頭髮，先知架車俾人偷咗。上個禮拜先聽到阿Paul（黃貫中）架車俾人撬爛，估唔到自己架車亦俾人偷埋。
「呢架車係我出道冇耐，阿哥送畀我嘅禮物，我唔知架車係高危偷車目標，希望唔好再有咁嘅事發生。司機已經去警署落咗口供，我就唔使落。」
問Juno會否懸紅尋失車？他說：「我有諗呢個問題，不過都係交畀警方處理啦，車入面有fans信、亦有新歌嘅demo，冇乜私人嘢，俾人睇到我都唔會太介意。發生呢件事我當然好唔開心，我重未講畀爹哋知。」而Juno的經理人公司發言人Jackson則在電話中說：「Juno今日坐嘅車係佢哥哥借出嚟畀佢用，暫時都會用住先，今次當破財擋災，遲啲等佢搵到錢，買過㗎車畀自己囉！」
此外，昨日梁詠琪（GiGi）、Shine和MiniCookies亦有出席新城活動，GiGi對於占卜師指她和男友鄭伊健之間將會出現第三者，她說：「佢話我知第三者係寵物，多幾隻動物都唔擔心，佢本身好專一。」
採訪：張止寒、黃君怡
攝影：陳偉權
