古天樂的新專輯將於下月推出，唱片公司認真大手筆，專程拉大隊到塞班島拍唱片封面，古仔更抽空享受釣魚之樂，同時他亦希望此行可玩跳降傘。
古天樂簽約李澤楷旗下的MusicNation唱片公司後，曾有傳古仔因忙於拍片，令唱片推出日期一再拖延，但唱片公司負責人李進似乎對古仔這張唱片十分重視，單是唱片封套和寫真，便拉大隊到塞班島拍攝。
古仔昨日抵達塞班島，雖然非典型肺炎在中港台肆虐，令不少國家對港客入境有限制，但古仔說：「進入塞班好順利，當地人都冇歧視港客，啲人好nice。」
古仔的唱片下個月初便推出，首次到塞班的古仔顯得十分雀躍，還特別要求到海邊拍照，讓他享受一下在海邊垂釣的寧靜感覺。雖然當地有不少水上活動供遊客盡情享樂，但古仔一心想玩跳降傘和笨豬跳。
古仔昨日已在酒店打聽在哪裏玩跳傘，古仔說：「今次嚟影相，影吓跳傘或笨豬跳都幾過癮，不過媽咪同經理人就唔係咁贊成，怕會有意外，但今次嚟到塞班，唔知點解想試吓。」
今天古仔會到天寧島拍潛水照片，原來他有假期便會到大馬潛水，古仔說：「雖然我識潛水，但始終冇時間考潛水牌，如果要喺呢度考，我最少要喺呢度留五日，但呢排香港有兩部戲要拍，根本冇時間留多幾日考牌。」
記者魯萍塞班島直擊
