老董雖無能，但香港始終係一塊福地，沙士已經漸漸減弱，受感染人數只係單位數字。既然曙光出現，以梁錦松為首嘅「振興經濟策略小組」應快馬加鞭，搵啲好嘢出台，但靠政府一定慢幾拍，八方聽聞「明天更好基金」已經出手，搵咗全球最威嘅管理顧問公司麥肯錫（McKinsey&Company）同特區政府把脈，睇吓可唔可以提出一份至fit嘅方案畀基金參考，以助政府走出目前困局。
基金咁大手筆皆因行政總裁袁金浩係策略小組成員。麥肯錫已經開始見人，徵求意見。煲呔見人，阿松又見緊人，你話啲有高見嘅人呢輪幾唔得閒呢。
傳真︰2623-9278
電郵︰