黎姿與朱永棠等一行七人，昨日凌晨到跑馬地食糖水，朱永棠當年經營美容院時，曾邀請黎姿擔任剪綵嘉賓，昨日兩人雖然一同消遣，但他們表示是相識多年的老友，故不擔心傳緋聞。
黎姿與朱永棠於昨日凌晨一時許，相約幾位朋友包括兩名中年男子，一行七人前往張堅庭位於跑馬地的茶餐廳食糖水，至二時許黎姿才與兩名女性朋友同坐的士離開，而朱永棠則與一位男性友人登上一部四驅車離去。
黎姿現正忙於拍攝無綫劇集《鳳舞香羅》，她昨日接受電話訪問時表示，由於前日不用開工，故相約朋友到銅鑼灣食飯消遣，黎姿說：「我噚晚同朋友食完飯，佢哋建議去跑馬地落吧飲酒，我驚肥又唔想蒲，咪去咗食糖水囉。」問她會否擔心與同行的朱永棠傳緋聞？黎姿說：「唔會啦，我哋識咗好耐，又成班人一齊，冇嘢好傳。」
昨日朱永棠亦透過電話回應說：「我都唔知有記者影相，但我同GiGi（黎姿）識咗十幾年，成日一齊玩嘅，我哋噚晚一齊食飯，之後去食糖水啫，我唔擔心傳緋聞，全行都知我哋friend，我同佢一定唔會啦，佢識晒我啲朋友嘅，我間美容院開張嗰陣，我都有請佢嚟，我哋搭晒膊頭，好friend㗎，亂咁傳啲人會笑㗎。」
不過朱永棠表示因市道欠佳，其美容院在半年前已結束營業，反而他於尖沙嘴開設的酒吧Colour，生意還算不錯，而他又稱近日已和陳達志簽約。
採訪：娛樂突發組、朱芷瑩、比華利
