政壇長毛叫梁國雄，股壇長毛叫DavidWebb，政壇長毛出親場都俾人又拉又鎖，股壇長毛就暫時都冇人搞得佢掂。
不過有細細間嘅國企上市公司，就成功「低調明寸」大衞。東方電機噚日登咗份通告，交代股東周年大會決議，句句都講明係「以舉手表決方式全票通過批准本公司……」八方查過以前股東大會決議通告，只係講話「批准本公司……」唔會刻意講明「以舉手表決方式」。
大衞呢排到股東會踩場嘅重點之一，係要求股東會表決唔准用舉手方式，應該計算股東代表嘅股權。東方電機股價低殘，買一手都唔使三千蚊，唔知大衞下次會唔會去踩場？不過股東大會喺四川德陽市舉行，睇嚟大衞呢次都係冇仇報。
傳真︰2623-9278
電郵︰