盧巧音早前踢爆何超儀與陳子聰計劃結婚，但二人否認。何超瓊昨日在中環接受訪問時，對胞妹結婚一事表示不知情，但謂年輕人即興結婚亦無不可，她還大讚陳子聰為人純品。
盧巧音早前踢爆何超儀與陳子聰十一月結婚，二人否認，其後陳子聰出席活動被問及婚訊，更反常地爆粗回應。何超瓊昨日到中環接受新城財經台訪問，她對胞妹超儀的婚事表示毫不知情，她說：「佢冇講過喎，我早排唔喺香港，都係睇新聞先知，佢話唔係咪唔係囉。」
對於有報道指超儀和陳子聰計劃十一月結婚，何超瓊說：「佢哋拍拖係事實，年輕人結唔結婚係佢哋嘅事，我諗佢哋突然有興趣，即興結婚都得㗎，我哋屋企人從來冇擔心，亦唔會迫佢哋。」
問何超瓊對陳子聰的評價？她說：「見過幾次面，佢好nice。最緊要係超儀鍾意，佢錫個妹就得。佢個人幾純品，畀到一個穩定性超儀。」
對於陳子聰早前被問及婚訊時爆粗，何超瓊說：「人梗有情緒，忽然有咁多人評論，畀咁多壓力佢哋，一時有情緒，都可以原諒囉！」至於父親何鴻燊，何超瓊表示他仍在外地開會及休息，對公司業務不會有影響，更強調父親不是因為避SARS而不回港。
採訪、攝影：JessicaNgan