當今時勢，政治人物最「與時並進」嘅生存之道，可能就係「多做多錯，少做少錯，不做不錯」，噚日港大公布十大最受歡迎議員，頭三位都係冇乜見報嘅議員，分別係立法會主席范徐麗泰、劉千石，同周梁淑怡。
范太係立會主席，雖然八方話佢「挺董親中」冇人會反對，但好在佢係主席，冇得講立場，乜嘢挺董、挺二十三條、保松全部冇佢份，市民只知范太係慈母，個女又叻，莫講話佢直選贏面高，連一啲親中人士都傳聞佢係第三屆特首人選，有機會更上一層樓。
其餘七位上榜議員，依次為李卓人、黃宏發、司徒華、田北俊、李柱銘、劉慧卿同曾鈺成。曾主席係民建聯唯一入選嘅議員，八方真係擔心佢哋第日選舉單靠鐵票掂唔掂。
傳真︰2623-9278
電郵︰