德國平治車廠於日前宣布，會響今年下半年舉行嘅法蘭克福車展上，展出用以取代原有V-Class位置嘅全新Viano車系，新車並可望於今年秋季正式投產。
先以造型設計而言，全新Viano比原有V-Class更富年輕活力感，當中圓渾車身線條，襯以帶有點同廠A-Class影子嘅車首設計，就最能將呢個特點展露出來，而左右門邊鏡亦有如其他車系一樣，增設有指揮燈配搭㖭！車廂布局亦予人有耳目一新之感，除車廂空間寬敞闊落外，中控台亦屬全新設計，而且設備齊全，使用時亦見方便。
引擎配搭方面，暫知有兩台分別為190匹及218匹馬力嘅六汽缸電油引擎供用家選擇，以切合不同需要。有興趣嘅車迷，就要留意我哋日後嘅報道喇！