港九新界九個地區前日舞火龍，祈求驅除沙士疫魔，新界鄉議局主席劉皇發噚日同八方講，九條火龍用咗七十萬蚊，物有所值，因為大家同心合力舞火龍，就好似一齊增加咗抵抗力，精神上打擊沙士。
發叔話：「舞火龍係鄉村傳統智慧發揮作用，難得集合到全港九新界咁多人同心同德去做，係天人合一，唔係迷信，而係感動咗上天，感動到連沙士都要走頭。」嘩！發叔講到咁神乎其技，咁啲醫護人員咪唔使醫人醫得咁辛苦？不過，呢啲民間嘅抗炎活動搞得咁有聲有色，可以凝聚人心，團結社群，總比啲政府高官嘅「掃街show」好。
（圖）發叔（右）話舞火龍係天人合一，感動上天，感動到連沙士都要走頭！
傳真︰2623-9278
電郵︰