老董最近唔知點解咁失控，喺立法會讀貓紙大罵民主派「膚淺、不與時並進」，搞到成為新笑柄，周街用佢呢兩句名句做口頭襌，相信佢老人家都始料不及。於是八方八卦，問特首辦邊個教阿董咁講嘢，特首辦當然無可奉告，有政府高層就大鬧邊個教條屎橋畀董生，搞到佢連老好人嘅唯一招牌都拆埋。
八方當然覺得老董應該忍一忍，咁就海闊天高，如果忍到噚日只得一宗沙士，你話重有邊個記得民主派？老董點計都有啲功勞。
點都好，唔鬧都鬧咗，老董呢個星期決定閉關不出，分析吓形勢再算。而煲呔就繼續佢嘅諮詢大計，各路英雄人物，若有任何高見，請向曾司長提交，獎金欠奉，多謝會有句。
傳真︰2623-9278
電郵︰