盧巧音從小便擁有雙重性格，要玩的時候，可以毫無自制能力，但靜的時候，又可以坐在沙發上動也不動。而她小時候更經常要弟弟穿女人衣服，在她面前行來行去，現在回想起來她也笑言十分變態！
盧巧音一向男仔頭性格，但小時候的她，原來還有點虐待狂和帶點變態心理，尤其對經常跟她打架的弟弟，她總是忍不住要「糟質」弟弟一番。盧巧音日前說：「我家姐大我八歲，細佬年齡同我比較接近，所以我較多同細佬玩，而且重係成日打架打到死死吓嗰種。唔止咁，我記得細個嗰陣成日迫細佬着女人衫畀我睇，諗起嚟真係幾變態㗎！」
頑皮的盧巧音何止要弟弟扮女人，原來她更不時將學校的粉筆偷走帶返家中，然後充當大畫家，在牆上畫公仔，她又試過在梳化底畫公仔，最後被母親發現，並以藤條侍候。盧巧音現在回想起藤條炆豬肉的日子時，還得意洋洋地說：「我覺得我真係幾有畫畫天份㗎，曾經有朋友叫我試吓出畫冊，我諗住出年出唱片嘅時候，連埋自己嘅畫冊推出，希望能夠成事啦！」
別以為小時候的盧巧音十分好動，原來她從小便有着雙重性格，要玩耍的時候，她可以毫無自制能力般大癲大肺，而靜的時候，她則如着了魔一樣，一整天動也不動的坐在沙發上看電視。盧巧音說：「聽媽咪講，我到一歲嗰陣重未識得講嘢，就連單字都講唔到，反而嗰陣時同我咁大啲小朋友啱啱學爬行，我已經識得行路，你話係咪好奇怪呢？而且，我細個好自閉，經常一個人坐喺梳化，成日對住部電視機郁都唔郁，媽咪話我個樣好似鬼片中咗邪啲人咁恐怖。」
採訪：戴彩煥
