林其欣日前被本報拍得與一名男士撐枱腳後，二人再駕車往淺水灣並在車廂內談心三小時。據知該男士姓劉，在專營香薰生意的亮碧思集團任職。林其欣昨日在電話中回應說當晚二人原本打算在酒店CoffeeShop傾偈，但夜深已關門，才在車內密斟。
慧妍雅集前會長林其欣日前被本報拍得與一男士約會，兩人吃完甜品後，驅車往淺水灣在車廂內談心三小時，其間見兩個黑影由前座移至後座。同時二人警覺性甚高，每當發現有人路過，其中一人總會返回前座。
據知與林其欣約會的男士姓劉，在經常贊助慧妍雅集活動的亮碧思集團任職。
劉先生現在是單身，與台灣籍前妻育有一名女兒，他與林其欣認識，極有可能是林其欣年前擔任慧妍雅集會長時常有接觸。
林其欣昨日接受電話訪問時說：「我睇完篇報道得三個字想講，就係平常心，我同佢只不過係普通朋友。我哋識咗一年，不過近呢個月先聯絡番，佢嗰晚約我係向我請教一啲有關慈善活動嘅嘢。本來我哋想約喺coffeeshop傾偈，但係我遲咗，coffeeshop已經關門，咪改喺車度傾囉。」
至於當時見兩個黑影在車廂內由前座移至後座，林其欣對此說：「梗係冇啦，我哋大家都有番咁高，佢要移去後座都要落車先得啦，係咁嘅話，你哋都影到相啦。」問林其欣與男伴是否蜜運中？她說：「未到呢個階段噃，兩個人一齊，要相處得耐啲先可以確定㗎嘛，將來嘅嘢就唔知。」
問林其欣知否男伴家底不俗，她說：「我唔知噃，唔通我識朋友問過人哋有幾多錢先咩？」問她選擇男友有甚麼條件？她說：「我淨係希望對方對事業有鬥心同埋有誠信。」
採訪：EdddieWong、CamelLok
