萬人迷球星碧咸日前換了一頭辮子新髮型，據說他想於稍後與黑人領袖曼德拉會面時令他留下印象。而其子布魯克林則以其父過往紅極一時的仙人掌新髮型亮相。
形象百變的曼聯球星碧咸（DavidBeckham），日前在法國尼斯度假期間，被攝得換了滿頭辮子的新髮型，與寶黛麗（BoDerek）二十四年前主演電影《十》中的髮型雷同，被指非常女性化。雖然碧咸的新形象所獲評語好壞參半，但自其新髮型曝光後，英國已有不少人仿效。
碧咸日前偕妻子Victoria、兒子布魯克林（Brooklyn）及羅密歐（Romeo）到達法國尼斯，有說英國國家足球隊於今天抵達南非，一向崇尚黑人文化的碧咸，今次轉換新形象，原來是為了見南非人民英雄曼德拉所設計，Victoria更向記者說：「我好鍾意佢個新髮型呀！不過佢嘅頭皮已經曬到燶咗。」曼徹斯特有理髮店表示前日開始已有不少男性要求換上碧咸的辮子髮型，碧咸效應又一次引證。而其子布魯克林則以爹哋過往風靡一時的仙人掌髮型亮相。
本地著名髮型師RickyKwok讚碧咸敢於試新，他昨日說：「佢無非係想突破形象，今次係想吸納埋以前冇咁留意佢嘅人啫。呢個髮型比佢以前嘅短髮梗係激咗啲，不過佢面形輪廓咁好，肉酸極有限啦。」RickyKwok表示整一個寶黛麗髮型要花兩個小時以上，平時可照樣洗頭，但不能大力抓頭。他說：「基本上呢個髮型唔會傷頭，只係拆散時會甩少少頭髮啫。」
此外，曾跟隨碧咸轉髮型的劉德華，昨日他接受訪問時說：「我知佢早有預謀整呢個頭，佢之前去旅行時已開始留長頭髮，不過我唔會整，我啲頭髮都唔夠長。呢啲頭唔可以洗頭，我慣咗一日洗兩次，唔洗頭瞓唔着㗎。」
採訪：梁錦貞、蔡如玉