上月剛獲派公屋的阿玲，對於是次喬遷，可謂百感交集。「有新屋住，當然開心，但今次搬屋，亦使咗唔少錢，搞到𠵱家經濟好困難。」
三十三歲的阿玲，去年底誕下一女，初嘗為人母親的滋味，可惜與此同時，丈夫卻因犯事入獄，以致未來兩年，她要獨力負起照顧女兒的責任。由於女兒病痛多，阿玲分身不暇，被迫辭去茶餐廳侍應一職，兩母女現靠綜援金生活。
「囡囡嘅身體唔係咁好，重入過深切治療部，我惟有暫時唔做嘢，專心湊佢。本來我兩母女有份綜援，慳慳哋都夠使，最弊上個月搬屋，交咗一筆上期、按金，𠵱家一下子周轉唔到。」阿玲皺着眉說。
阿玲和五個月大的女兒，原住在房屋署轄下的中轉屋，直至上月，兩母女喜獲恩恤編配一所公屋，雖然環境得以改善，但搬遷各項雜費合共六千多元，比兩母女領取的綜援金額還要多。
阿玲表示：「今次搬屋，社署冇津貼畀我哋，我都係左湊右湊先籌到呢六千幾蚊番嚟，但交晒所有費用之後，呢個月就唔夠錢開飯，連囡囡嘅奶粉、尿片都冇錢買。」蘋果日報慈善基金有見阿玲兩母女境況堪憐，即時撥款二千元，紓解她的經濟壓力。 捐款編號：C0949
暖流熱線
電話:29908688
傳真:23702192
電郵:
網址：