八方日前喺度講，立法會前議員何敏嘉叫醫護人員唔好咁搏命，一懷疑中招就要去沖涼，否則冇法唔感染。點知文章一出，護理界就馬上有反應。一位威院嘅姑娘來電，話何敏嘉此言對醫護人員不公平，以威院為例，根本就冇設施同措施畀員工可以立即洗澡。
八方第一時間向何敏嘉反映，佢都承認由於威院早喺八○年落成啟用，所以醫護人員要沖涼，就要行去隔籬座樓先有沖涼房，雖然咁唔方便，佢都堅持提醒前線人員，如果有機會受感染，一定要盡快洗，唔好等放工先沖，咁就太遲。
再講兩講，何敏嘉話醫管局其實知情，正諗緊辦法解決，睇吓整臨時沖涼房得唔得。希望HA快啲手（蘋果個臨時沖涼房都啟用咗成個月啦），唔好得個講字。
傳真︰2623-9278
電郵︰