瑞士鐘表品牌DanielRoth歷史雖不算長，但其設計特色多愛結合名貴鑽石與寶石於一身，令時計更添貴氣。最新推出的MasterLadyCollection，在表面、表框和表扣都鑲滿藍寶石和鑽石，名副其實是保值之選。
瑞士鐘表品牌DanielRoth創立十四年，日子雖短，但在鐘表界中已有一定地位。今次示範的三個系列包括MasterLadyCollection、VantageCollection和MasterComplicationsCollection，表面圓中帶方，別具線條美。
其中一隻價值八十萬七千八百元的MasterLadyCollection最觸動女人心，皆因表面、表框和表扣都鑲滿達五點七卡的鑽石和藍寶石，加上表帶有設計師的簽名，既高貴又典雅。
示範DanielRoth手表的模特兒是來自白俄羅斯共和國、十九歲的Jenia，當了模特兒已有三年，她覺得DanielRoth表款設計獨特，她說：「呢個品牌嘅手表好有個性，又鑲有閃閃生輝嘅鑽石，我覺得最特別之處係表框嘅設計，圓中帶方。」
Jenia只擁有一隻手表，問她那隻表是否男友所送？她說：「喺我嘅家鄉，男女朋友係唔會互相送贈手表，因為咁樣係代表分手，所以我唯一嗰隻表係朋友喺我十八歲生日時送畀我嘅，好有意義㗎。」
首次來港工作的Jenia亦受非典型肺炎影響，她說：「我媽媽好擔心我，每日都打電話問我香港嘅情況，不過我就覺得並唔係好嚴重。平日出街我會戴上口罩，保護自己。」
