李克勤、余文樂、黃伊汶及張敬軒等，昨日早上在灣仔運動場出席「香港體育精神健康跑——許長國家庭福利基金籌款」活動，在起步儀式開始時，突然下起大雨，所有參與開步禮的嘉賓，只好冒雨跑完一圈。
李克勤表示曾經在公開場合見過許長國，他說：「當時係幫TVB做騷，所以見過幾次，再加上我係保齡發燒友，所以我好鍾意佢。不過我就覺得運動員生涯好慘，好似許生咁成功，出事之後家人都冇能力處理身後事，其實政府係唔係應該多啲資助同協助運動員呢？」
余文樂當年曾在灣仔運動場考會考體育科，並獲取A1成績，他說：「當時讀運動又攞到好成績，咪諗住一路做教練，一路打籃球，但係打波真係搵唔到食，『半工打』一段時間，都係發覺唔可以繼續，咪諗過教書，點知入咗娛樂圈。」
採訪：楊潔雯 攝影：甄朝健